
Defensa do Común, trala leitura detallada da sentenza do Tribunal Superior de Xustiza de Galicia (TSXG), optou pola vía da presentación dun recurso de casación ante o Tribunal Supremo (TS), aínda sendo conscente das enormes dificultades que ese pleito conleva tanto desde a perspectiva social como da económica.
Defensa do Común apoia esa postura ao estimar que o fallo do TSXG contradí e viola dotrina do propio TS refletida en sentencias na que concurren os mesmos preceptos que no asunto da Maestranza.
Defensa do Común considera que esa postura é a máis coherente coa idea que veu desenvolvendo desde marzo de 2016 para seguir defendendo o patrimonio público fronte á permisividade e a indiferencia dos organismos con competencias na cuestión.
Por elo, o venres día 13 de novembro, ás 20:00 h., en Portas Ártabras, rúa Sinagoga 22, Defensa do Común explicará á veciñanza da contorna todas as cuestións relacionadas coas tres parcelas da Maestranza para que poidan formarse a mellor opinión razonada sobre un tema que lles afecta directamente.