Grandes viaxes


Grandes viaxes

XEIRAS DE VARIOS DÍAS , PROGRAMAS ESPECIAIS DE AMIGOS DOS MUSEOS DE GALICIA 2020

Con dous meses de antelación  concretarase, en programa especial, as características do itinerario, recorrido, visitas, museos, hoteis…de todas formas en  Portas Ártabras ou en Ciberviaxes (Rúa Federico Tapia 41, Tf.- 981216600), noso axente poderas adiantar máis información 

FEBREIRO

* 23 ao 26: Xeira ao máis enxebre Entroido, o Trasmontano.

23  FEBREIRO: DOMINGO DE ENTROIDO : VIANA DO BOLO, SANABRIA

Saída o domingo de Entroido ás 8 da mañá dos lugares de costume na Coruña. Seguindo o Sil cara a Quiroga, a Rúa e terras do Bolo, co Santuario das Hermidas. En Viana do Bolo verase o tradicional desfile de folións, boteiros, peliqueiros, máscaras das serras de Manzaneda e do Padornelo… Finalizado este dirixirémonos a Sanabria,  con xantar enxebre.  De seguida  visitaremos o seu conxunto histórico e entorno desta cidade zamorán, para de seguido e na noite chegar á Braganza, cidade onde faremos base para os demais días.

24 FEBREIRO: LUNS DE ENTROIDO: PODENCE, SANTULLAO

Braganza , antiga "Brigantia" que garda fondas esencias culturais, históricas e etnográficas  moi en relación con Galicia, faise imprescindible coñecela a fin de enxergar  parte da nosa mesma Historia: o Castelo da famosa Casa de Braganca, a "Domus Municipalis", o Museo Abate de Baçal, Igrexas, o Museo da Máscara Ibérica… Paseo polas aldeas de Vinhais, Podence, Mazedo de Cabaleiros, Santulhao, Vimioso, … onde teremos o máis enxebre xantar propio da Terra e do Tempo.  Comarca dun celebrado Entroido, carecterizado, tanto polo seu ritual como polos caretos, as músicas, sermóns, cánticos..  a queima do ídolo do Entrudo.

Na noite asistiremos á sentencia, xulgamento e condena do Entrudo en procesión pola praza da aldea de Santulhao

25 FEBREIRO: MARTES  DE ENTROIDO: DENDE MIRANDA DO DOURO  Á QUEIMA DO ENTRUDO EN PODENCE

Repaso histórico da cidade de Bragança e do seu entorno, alongándonos cara terras de gran significación arqueolóxica e histórica de Mirandela e do Douro. Onde teremos xantar enxebre en lugar apropiado. Pasando por aldeas

Ao anoitecer asistiremos á Queima do Entrudo en Podence…

26 DE FEBREIRO: MÉRCORES DE CINZA EN TERRAS DE CHAVES, MONTERREI E DESPEDIDA E QUEIMA DO MECO E DA SARDIÑA NA LIMIA

Retorno por Vinhais, cara Chaves, onde teremos un xantar propio da despedida do Entroido e de entrada na Coresma, pra pasar polo castelo de Monterrei  e  facer parada nun Xinzo de Limia en plena despedida do Entroido co Enterro da Sardiña.

Retorno á Coruña sobre as 22 horas.

PROGRAMA ENTROIDO TRASMONTANO 2020 AMIGOS MUSEOS GALICIA 

 XUÑO

* 15 ao 21. Viaxe especial a coñecer aspectos naturais, históricos e culturais da provincia de Teruel e a súa serra de Albarracín (ver programa).

XULLO

* Segunda quincena: Rusia (Ver programa especial dun viaxe rico en contidos históricos e culturais)

OUTUBRO

* Primeira quincena: Xeira especial a Vietnam e Camboya (ver programa especial)

 DECEMBRO

* Semana de ponte festiva: Viaxe especial a Bruxelas, e o seu entorno: mercado de Nadal, museos, recintos de contemporaneidade, galerías, moda….

Máis información en:

CIBERVIAXES

Federico tapia, 41

Tel: 981216600


Viaxes longas previstas para o 2021 ou en carpeta para o futuro, mesmo que poden substituír ás programadas. Trátase de itinerarios  de “deseño” cultural, fora dos programas convencionais. Pra países exóticos ante todo tendo moi presente a seguridade d@s viaxeir@s , así como da realización do programa:

* Xuño: A Europa céltica (Suíza, Austria..)// Sicilia, Sur de Italia// Malta

* Outubro: //  Moi probable antoloxía de Arxentina// Perú// Etiopía//Cuba

* Cidades:  // Berlín//Porto// Hamburgo

* Entre outras xeiras, que incluso poden repetirse con grupos minoritarios, engadirse  ou substituír algunha das programadas, sempre en función da seguridade e éxito … Non esquecemos Euskadi, nin Aragón, Andalucía…


PARA CONTACTAR CON AMIGOS DOS MUSEOS DE GALICIA

En “Portas Ártabras”, Sinagoga 22, baixo

Trala ábsida da Colexiata de Santa María, Cidade Vella

A Coruña 15001

Horario de 19 a 21 hrs. do serán, diariamente; sábados de 12 a 14 hrs.

Tfnº.- 981 21 01 01

E-mail: correo@amigosmuseosgalicia.org

www.amigosmuseosgalicia.org