O xoves 26 de xuño, ás 20 horas terá lugar en Portas Ártabras a conferencia pronunciada por Olivia Rodríguez titulada: “O TEMA DO LOBO E OUTROS SERES EN VICENTE RISCO”
Olivia Rodríguez González (Teoría da literatura e Literatura comparada. Universidade da Coruña) é especialista en Vicente Risco, sobre o que publica traballos desde 1981 como os libros Estética e teoría da cultura en Vicente Risco (2001) e a edición crítica en 2016 de O porco de pé (2016), ambos na Editorial Galaxia.
O mundo animal na literatura e ensaio etnográfico é tratado por Risco con enorme fondura e múltiples lecturas, desde a ecolóxica á simbólica. Sen dúbida, a figura do lobo cobra nese mundo un protagonismo do que imos falar nun momento no que a especie volve estar ameazada.
Entrada libre ata completar aforamento.
Actividade subvencionada por:
