Moi da nosa estima:
Pola presente informamos que de acordo co Artigo 19º dos Estatutos da nosa entidade e como asociad@ de Amigos dos Museos de Galicia queda convocad@ a:
ASEMBLEA XERAL ORDINARIA DE AMIGOS DOS MUSEOS DE GALICIA
que se desenvolverá o xoves, día 26 de febreiro de 2026, ás 19,30 horas en primeira convocatoria e ás 20,00 horas en segunda e última no noso espazo de cultura “Portas Ártabras”, na rúa Sinagoga – 22.
A Asemblea desenvolverase segundo a seguinte Orde do día:
- Lectura e aprobación, se procede, da Acta da Asemblea anterior.
- Memoria de Actividades desenvoltas no 2025.
- Balance de Gastos e Ingresos do ano 2025.
- Actuacións para o 2026. Proposta de actividades e novas publicacións.
- Orzamentos do 2026.
- Suxestións e Preguntas.
Deseguido darase paso á:
ASEMBLEA XERAL EXTRAORDINARIA. ELECCIÓN XUNTA DIRECTIVA
- Presentación de candidaturas á Presidencia e Xunta Directiva.
- Votación e elección de Presidencia e Xunta Directiva polo período de catro anos.
- Votación e aprobación do cambio de denominación da asociación a: Amigas e Amigos dos Museos de Galicia.
- Votación e aprobación da Reforma dos Estatutos de Amigos dos Museos de Galicia.
- Votación e aprobación para a creación da Fundación Amigas e Amigos dos Museos de Galicia.
Agardamos a súa presenza e participación nesta xuntanza en “Portas Ártabras”.
