O mércores 26 de novembro, ás 20 horas en Portas Ártabras, terá lugar esta interesante charla / coloquio con Fermín Ezkieta organizada pola Comisión pola Recuperación da Memoria Histórica da Coruña arredor da tráxica historia dos 800 presos fuxidos do penal franquista de Pamplona en 1938.
A evasión desde o forte de San Cristobo no monte Ezkaba, xunto a Pamplona, o 22 de maio de 1938, ofrece a fascinación dos acontecementos épicos. Tivo máis reseñas no New York Times que na prensa española durante cuarenta anos, e saldouse con 206 mortos nos montes, máis 14 fusilados en Pamplona en agosto de 1938. Case 200 galegos na maior fuga carcelaria de Europa.
Entrada libre ata completar aforamento.
