O domingo 27 de outubro, está programada esta xeira que nos levará pola Ribeira Sacra de Monforte, saíndo ás 09:00 das paradas habituais.
Xeira na que coñeceremos o espírito da cidade dos Condes de Lemos, a poderosa familia dos Castros e farémolo a través do seu legado histórico e artístico… para de seguido internarnos polos lugares máis significativos das ribeiras do Sil, os santuarios de Pinol, Cadeiras… núcleos rurais tradicionais cos seus miradores sobre os canóns do Sil. Teremos o tradicional xantar enxebre nun lugar característico e representativo da vitivinocultura do Sil.
Anótate en Portas Ártabras (Sinagoga, 22 – A Coruña) ou chamando ao teléfono 981 21 01 01, de luns a venres 19 a 21 horas.
