Debido ao éxito da visita ao castro de Elviña do pasado 15 de setembro, repetiremos esta experiencia o venres 20 de outubro pola tarde (17:00). Visita especializada, guiada por Felipe – Senén.
Paseo no que nos adentraremos na historia das pescudas arqueolóxicas, nos problemas de pasado e presente de tan singular xacemento arqueolóxico, entendendo as condicións xeoestratéxicas do que poido ser Brigantia, as súas orixes na Idade do Ferro, así como o longo proceso de romanización, as construcións, os templos, as cerámicas o fabuloso tesouro… as elites, o abandono, o contexto e interese etnográfico e histórico do mesmo.
Actividade gratuita con aforo limitado, polo que, previamente, quen desexe asistir, deberá pre -inscribirse en Portas Ártabras, nos horarios de tarde, de luns a venres (19 – 21 horas), ben chamando ao tfn.- 630930298 ou ao da mesma Asociación de Amigos dos Museos de Galicia Tfn.- 981210101.
