VIAXE A TERUEL E Á SÚA SERRA:
20 – 26 SETEMBRO 2021
TERUEL. ARTE,HISTORIA, CULTURA E PAISAXE CON AMIGOS DOS MUSEOS DE GALICIA
Retomamos, con prudencia a nosa tradición viaxeira e facémolo abrindo aos contrastes que ofrece o outono. Tratamos de recuperar así o que quedou pendente un ano atrás e facémolo cunha xeira familiar, guiada dende unha óptica humanista, e divertida por canto significa a provincia de Teruel. Comarcas modélicas na interacción paisaxe-paisanaxe e que marcan diferenzas na xestión do patrimonio cultural, especialmente no rural.
É esta unha excursión apropiada para este tempo de precaucións, que inclúe un recorrido de ida e volta polo norte, explicando, ao paso e segundo dispoñibilidade do tempo, significativos puntos do Camiño de Santiago. Historia, arte, tradicións, gastronomía, ecoloxía…
Terra de Teruel, simbolizada polo ibérico touro, encrucillada de culturas ao longo da súa intensa historia: iberos, romanos, islámicos, cristiáns e con monarcas que as previlexiaron con foros … Onde ademais se viven intensamente as guerras da independencia, as guerras carlistas e as máis crueis batallas da Guerra Civil… As que, aínda deixando pegada histórica, rehabilítanse e revitalízanse de xeito exemplar, a través de movementos sociais e iniciativas que responden á rexeneración da chamada “España vaciada”.
Anímate e acompáñanos, xa sabes que o vivimos coa intensidade e a precaución que se merece.
Para máis información en
- CiberViaxes: C/. Federico Tapia 41 teléfono 981 216600
- Amigos dos Museos de Galicia, (Portas Ártabras) tras a Colexiata de Santa María, Sinagoga 22, Cidade Vella da Coruña, tfn.- 981210101
_____________________________________________________________________________
DIA 1: CORUÑA-TERUEL
Presentación no punto de encontro indicado para saír vía Teruel, realizásense paradas de interese en ruta durante o percorrido de acercamento. Xantar en restaurante de camiño. Chegada a media tarde á capital turolense, traslado ao hotel, distribución de habitacións e tempo libre, ata a hora do encontro coa nosa guía local. A continuación daremos un paseo peonil pola capital turolense, dentro do seu recinto amurallado, o grupo descubrirá un centro histórico digno dun pausado percorrido. Aloxamento.
DIA 2: TERUEL
Almorzo e encontro co noso guía local para iniciar unha visita de día completo á cidade, que nos sorprenderá coa súa arquitectura mudéxar que foi recoñecida como Patrimonio da Humanidade pola Unesco. Comezaremos pola gran Escalinata, recíbenos para darnos acceso a Teruel dunha forma en grao sumo señorial, obra de estilo neomudéjar, construída a principios do século XX, subindo pola Rúa Nova, atoparémonos coa Torre do Salvador, que coma se dun minarete se tratara sobresae entre os tellados contiguos, aínda que en realidade forma parte da Igrexa. Subiremos e visitaremos o miradoiro da torre. Seguiremos o noso paseo cara ao corazón da cidade, a Praza do Torico (tamén coñecida como Praza de Carlos Castel), e o seu nome débese á famosa fonte sobre a que se erixe un pequeno touro (de aí o de “ torico”) e que representa un das iconas da cidade. É sobranceira a Casa Torico pola súa característica fachada azul; de seguido, baixando por unhas escaleiras próximas á Praza do Torico penetrámonos nos Alxibes Medievais de Teruel, depósitos subterráneos de auga, obra da época romana, aquí veremos unha pequena exposición e un audiovisual, polo que, a través de pequenas historias podemos aprender un pouco máis da historia e orixes da cidade. Non deixaremos de ve o Mausoleo dos Amantes de Teurel, onde a lenda conta a historia de Juan e Isabel, dous mozos turolenses que morreron de amor, parte fundamental na historia e tradición da cidade. Entón pousaremos para realizar o xantar e pola tarde proseguiremos a nosa visita, que nos levase á igrexa e Torre de San Pedro, trátase do conxunto mudéxar máis completo da cidade e que forma parte da arquitectura mudéxar de Aragón, tamén declarada Patrimonio da Humanidade. Durante o noso percorrido veremos o Acueduto dos Arcos, que foi construído en 1537, catalogado como unha das obras de enxeñería antolóxicas do renacemento español. Acueduto que servía para o abastecemento de auga da cidade pero tamén como viaduto para o tránsito peonil. Ao finalizar a visita, traslado ao hotel. Aloxamento.
DIA 3: SERRA DO JUDAR
Despois do almorzo trasladarémonos en autobús, xunto co noso guía á parte oriental da provincia, onde imos visitar algúns dos pobos medievais, repletos de historia e cultura. Comezaremos por Mora de Rubielos, onde visitaremos o Castelo Palacio dos Fernández Heredia e a Ex-colexiata de Santa María, templo gótico do século XIV. Seguimos cara a Rubielos de Mora, pobo medieval repleto de casas solariegas e palacios, os que seguen conservando un rico patrimonio que tamén visitaremos: a Casa do Concello , a Excolexiata de Santa María a Maior e os portais de San Antonio e do Carmen. Xantaremos nesta localidade. Deixaremos atrás Rubielos para penetrarnos máis na Serra do Gudar e seguir descubrindo as súas paisaxes e o rico patrimonio de pobos como Puertomingalvo, localidade e municipio situado en pleno Parque Cultural do Maestrazgo declarado como un dos pobos máis bonitos de España. Chegada a Teruel e traslado ao hotel. Aloxamento.
DIA 4: TERUEL- O MAESTRAZGO ( CANTAVIEJA- MIRAMBEL- IGLESUELA DEL CID)
Almorzo . seguimos outro día máis pola parte oriental da provincia, iremos acompañados do noso guía por estreitas estradas de montaña, para chegar a outros tres pobos nos que merece a pena perderse polas súas empedradas rúas e descubrir as súas casas señoriais e os seus palacios, construcións cun importante predominio de pedra, madeira e forxa, comezamos por Cantavieja, pobo harmonioso, declarado conxunto histórico – artístico, en pleno Maestrazgo. e a 1.200 m. sobre unha planicie que se abre abruptamente ao baleiro, e que determinou a súa importancia xeoestratéxica. Núcleo que posúe un casco antigo moi atractivo, con edificios entre o que destaca o seu Concello, de estilo gótico, as súas “casonas” brasonadas ou a igrexa gótica de San Miguel (século XV). Continuación cara a Mirambel, onde o centro urbano constitúe un dos exemplos máis destacados de arquitectura medieval da provincia, declarado Conxunto Histórico-Artístico, ademais en 1982 obtivo o recoñecemento Premio Europa Nostra, contén máis dunha trintena de edificios, espazos urbanos e elementos defensivos de destacado interese patrimonial: torreóns, portais de muralla, igrexas, conventos, palacios ou casas populares, entre outros. Unha das súas maiores singularidades é que toda a poboación desenvólvese intramuros dándolle un aspecto de pobo ancorado no Medievo. Xantar en restaurante nun destes pintorescos pobos. Pola tarde finalizaremos a nosa visita nun dos pobos máis espectaculares do Maestrazgo, Iglesuela del Cid, co seu peculiar trazado urbano, dividido en tres partes polos barrancos que a cruzan. Este lugar estaba xa poboado desde antes da chegada dos cartaxineses, coñecido co nome de Athea. O sobrenome ‘del Cid’, débese a que foi precisamente don Rodrigo Díaz quen mandou fortificar o pobo e erguer o correspondente castelo. Regreso a Teruel. Aloxamento.
DIA 5: PASEO POLO ALBARRACIN E O BARRANCO DA FOUCE DE CALOMARDE- ALCAÑIZ
Almorzo e saída de día completo para comezar o roteiro por Albarracín, localidade de gran pintoresquismo que conserva numerosos edificios históricos como a Catedral, a igrexa de Santa María, o Palacio Episcopal, a Casa da Julianeta, a rúa Azagra, a Torre Branca ou o Museo Diocesano… Realizaremos un detido percorrido guiado por esta localidade. Xantar en restaurante . Pola tarde seguiremos cun pequeno roteiro polos piñeirais de Rodeno e os abrigos rupestres. Antes de chegar á localidade de Calomarde, deterémonos para contemplar a Fervenza Batida, fermoso salto de auga sobre o Rio Blanco, ideal para poñer o broche perfecto á nosa primeira xornada. Continuación ata o noso hotel en Alcañiz, distribución de habitacións e aloxamento.
DIA 6: ALCAÑIZ – O MATARRAÑA
Almorzo e saída cara a unha das zonas máis sorprendentes da provincia de Teruel: a comarca de Matarraña, por moitos coñecida como a Toscana Española. Pobos caracterizados polos seus centros históricos perfectamente conservados como os de Valderrobles, Calaceite, e Cretas, situados nunha contorna paisaxística de gran beleza con campos repletos de oliveiras, amendoeiras e viñedos. Comezaremos a visita por Valderrobles, co seu centro histórico, o castelo palacio e a igrexa de santa María a Maior. Continuaremos a visita por Calaceite , pueblo declarado conxunto histórico – artístico, porta que dende Aragón ábre a Cataluña. Territorio habitado xa dende a prehistoria, tal como constatan algúns poboados íberos entre os que destaca o de San Antonio. Finalizaremos o recorrido en Cretas, sen dúbida o destino indicado para poder camiñar polas súas rúas empedradas. Do seu interesante conxunto patrimonial destacan o templo parroquial, a praza Maior e diversos edificios, como a capela-portal de San Antonio, a capela de San Roque, a casa dos Turull e a bela ermida da Misericordia… Realizaremos o xantar nunha destas localidades. A última hora da tardiña regreso ao noso hotel en Alcañiz. Aloxamento.
DIA 7: TERUEL-CORUÑA
Almorzo no hotel e regreso aos nosos lugar de orixe, realizásense paradas, tamén de interese cultural en roteiro e xantar en restaurante antes de chegar á nosa cidade. Fin da viaxe e dos nosos servizos.
Para máis información en
- CiberViaxes: C/. Federico Tapia 41 teléfono 981 216600 *
- Amigos dos Museos de Galicia, (Portas Ártabras) tras a Colexiata de Santa María, Sinagoga 22, Cidade Vella da Coruña, tfn.- 981210101
_____________________________________________________________________________