DOMINGO 22 DE DECEMBRO: A TERRA CHA DO POETA MANUEL MARÍA


Derradeira xeira do ano 2019 que nos levará polos "locus amoenus", os inspiradores e amados lugares para o poeta  Manuel María. Excursión seguindo os textos literarios deste creador literario que foi un dos grandes e incondionais amigos do noso colectivo. Visita  en Outeiro de Rei á "Casa de Hortas", hoxe Casa-Museo gardadora das esebncias do chairego, os arredores: o Campo de Santa Isabel, as Penas de Rodas…  o Castro e o Museo de Viladonga,  Castro de Rei, Castro de Riberas de Lea, a  Virxe do Monte e as Lagoas de Cospeito. Seguindo por Baamonde a parlamentar co escultor Victor Corral na súa Casa-Museo e final do día  visitando a instalación do Belén de Begonte…Sen faltar o xantar enxebre chairego. Apúntate, ven e participa na programación de actividades do esperanzado ano 2020.