VENRES 19 DE NOVEMBRO: PRESENTACIÓN DO LIBRO DE RAMONA GIRÁLDEZ “AS FOTOS DA RETINA”


O venres 19 de novembro ás 20 horas en Portas Ártabras terá lugar a presentación do libro “AS FOTOS DA RETINA’ de Ramona Giráldez. Ademais da autora participarán no acto: Tania Arufe (ilustradora), Rosa Fernández (presentadora do acto) e actuación de César Morán.

Os relatos de “As fotos da retina” parten da idea de narrar xusto esas experiencias de viaxes que nunca aparecen nas nosas fotografías. Esas imaxes que, por inesperadas, por espontáneas, por pudor ás veces, ou mesmo por aparentemente intranscendentes no momento en que se producen, cóllennos por totalmente desprevidos e non chegan a materializarse nun retrato físico pero que, co tempo, pasan a ser inesquecibles, a convertérense na instantánea que nos ven inmediatamente á lembranza.