MÉRCORES 19 DE DECEMBRO: CONFERECIA SOBRE “OS CASTROS DAS BOCARRIBEIRAS DO MIÑO”


Ás 20 horas en “Portas Ártabras”  o arqueólogo Angel Concheiro Coello introducirá  a “OS CASTROS DAS BOCARRIBEIRAS DO MIÑO”, terras hoxe célebres pola súa vitivinicultura, na prehistoria, protohistoria, antiguidade e medievo de grande actividade.  Territorio ourensano presidiado polo monte sacro cristianizado e dedicado ao San Trocado, así como pola espectacular “civitas” o castro de San Cibrao das Las, en  Terras de San Amaro e de Punxín. Zona xeoestratéxica e mineira, de amplos horizontes, que avista o curso medio do río Miño, a confluencia co Avia, baixo o Coto de Novelle, Pena Corneira, a Martiñá….

Conferencia que será ilustrada de imaxes e que se inclue dentro do ciclo e xeiras dedicada á estas terras, estudadas polo “Centro de Estudos Chamoso Lamas “ ao que Amigos dos Museos concederon o Premio Pedra do Destino 2018.

Entrada libre. Non faltes.